Вольф групп ХХК

Бид өнгөрсөн хугацаанд 80 гаруй засал чимэглэлийн ажил, 10 гаруй барилгын гүйцэтгэлийн ажил, гадна дотор засал чимэглэлийн ажил гүйцэтгээд байна.  Үүнээс хийсэн барилга угсралт, дотор гадна заслын томоохон ажлуудаасаа дурдвал:

• “Нарантуул” спорт цогцолборын оффис, зочид буудал (гадна ба дотор засал чимэглэлийн ажлын хамт)
• “Нарантуул” спорт цогцолборын заал, усан бассейн гүйцэтгэл болон засал чимэглэлийн ажил
• “Жигүүр Гранд” компанийн орон сууц (дотоод засал)
• “Номин Холдинг” компаний “Их Тэнгэр” дэхь орон сууц (дотоод засал)
• ХБНГУ-ын Элчин Сайдын Яам (дотоод засал)
• “Тэрэлж” –ийн зочид буудлын бассейны ажил
• Иргэдийн амины орон сууцны барилгууд (гүйцэтгэл, дотор гадна заслын ажил)
• “Волф Андууд” компаний “Le Soleil” ресторан (дотоод засал)
• “Экстра” дэлгүүр (гадна заслын ажил)

“Эф Эль Эйч Волф” ХХК нь ХБНГУ-ын “Крайсел”, “Люкс Элемент”, “Шлютер”, “Филерой&Бох”, “Литхофин”, Италийн “Марацци” фирмүүдээс барилгын материалууд, боржин, гантиг, плита болон бусад туслах материалууд, бүх төрлийн плитаны ам дарагч хүрээнүүд, плитаны чигжээс, төрөл бүрийн ус тусгаарлагч, гүн суурь, бэхжүүлэгч, шавар өнгөлгөөний цэвэрлэгч бодисууд, Италийн хөрөнгө оруулалт бүхий Хятадын “Лүйс Валентино” фирмийн төрөл бүрийн чулуун плита, шилэн мозайкууд, гадна өнгөлгөөний байгалийн минераль чулуу гэх мэт материалуудаа “Мишээл” төвд байрлах төв дэлгүүрээрээ худалдаалж байна.

Мөн Герман-Хятадын хамтарсан үйлдвэрүүдийн барилга усралтын ажилд өргөн хэрэглэгддэг чанартай багаж тоног төхөөрөмж, гар болон жижиг оврын цахилгаан тоног төхөөрөмжүүдийг худалдаалдаг. Худалдааны чиглэлээр манай компанитай “Эко Констракшн”, Германы “Фимо” сантехник угсралтын компани, “Зотол” групп, “МCS” групп, “Sky Plaza”, зэрэг байгууллагууд хамтран ажиллаж, байнга үйлчлүүлж байдаг юм.
“Волф Андууд” ХХК гадаад дотоод худалдаа, рестораны үйл ажиллагаа эрхэлдэг ба “Нарантуул” зочид буудлын 12-р давхарт “Le Soleil” рестораныг ажиллуулдаг. ХБНГУ-аас мэргэжилтэн урьж 8 сарын хугацаанд тогооч, зөөгч, бармен, менежерүүдээ сургаж бэлтгэсэн.